Үшбұрыштар теңдігі. Үшбұрштар теңдігінің белгілері

  • Жүктеулер: 57
  • Көрсетілім: 2024
  • Мектеп әкімшілігі
  • 26/Фев/2017

Жарияланған материалдың жеке номері: 22020


Тақырыбы: Үшбұрыштар теңдігі. Үшбұрштар теңдігінің белгілері
Мақсат:
Жаңа білім • Үшбұрыштың теңдік белгілерін, және оны дәлелдеудің теоремаларын үйрену үйрену.
Жаңа түсінік • Үшбұрыштың теңдік белгілерін дәлелдеуді түсіну.
Қолданым әрекеті • Үшбұрыштың теңдік белгілерін үйреніп, түрлі есептерге пайдалану.
Талдау әрекеті • Үшбұрыштың теңдік белгілері теоремаларын талдап, ерекшеліктеріне мән беру.
Шығармашылық әрекет • Үшбұрыштың теңдік белгісі теоремасын жеке дәлелдеп көруге тырысу.
Бағамдау әрекеті • Үшбұрыштың теңдік белгілері теоремасын жете меңгеріп, бағамдап, қорытындылау.
Сабақ құрылымы:
І. Ақпарат алмасу (10 мин.).
ІІ.Алғашқы бекіту (5 мин.).
ІІІ.Құзырлылық қалыптастыру (15 мин.).
ІV.Шығармашылық қалыптастыру (10 мин.).
V.Бағамдау-бағалау (5 мин.).
Сабақ типі: • фронтальді, жұптық, топтық.
Оқыту әдісі: • репродуктивті, ішінара ізденушілік.
Мұғалім іс-әрекетінің тәсілі:
•оқушыларға бағыт-бағдар, қажет болған жағдайда көмек береді
Негізгі ұғымдар мен терминдер:
• фигуралар теңдігі, кесінділердің теңдігі, бұрыштардың теңдігі, үшбұрыштың элементтері, жарты жазықтықтар.
Оқушыда дағды қалыптастыру:
• тақырып бойынша әртүрлі танымдық сұрақтарды шешу, белгілеген мақсатқа қол жеткізу, өзін-өзі дамыту, топпен жұмыс істеу және топ жұмысының нәтижесін көру, өз ойын сынып алдында қорғай білу.
Ақпарат көздері:
1. Ж.Қайдасов, Г.Досмағанбетова, А.Абдиев “Геометрия” 7сынып оқулығы. Алматы «Мектеп» 2012.
Оқушы жетістігін бағалау:
• оқушыға сабақ блоктарының деңгейлік тапсырмаларын уақытылы орындауы, топтық жұмысқа қатысуы мен үй жұмысын орындауына байланысты баға қойылады
Үй тапсырмасы:
• Келесі сабаққа дайындық тапсырмасы:
Үшбұрыштар теңдігінің бірінші белгісіне кері теореманы тұжырымдап, дәлелдеңдер.
•Бонус-балл тапсырмасы:
Теңбүйірлі үшбұрыштың қасиеттері туралы оқып келу.

САБАҚ БЛОКТАРЫ 

І. АҚПАРАТ АЛМАСУ
Тақырып жоспары:
Кіріспе:
1. Үшбұрыштың теңдік белгілері
2. Үшбұрыштың теңдік белгісінің екінші теоремасы
3. Үшбұрыштың теңдік белгісінің екінші теоремасының дәлелдеуі
Слайдтар:
1-слайд Үшбұрыштар теңдігі

2-слайд
 Осы тақырыпты оқу барысында үшбұрыштардың теңдік белгілерін білетін боласыңдар; осы белгілерді қолданып, есептер шығаруды үйренесіңдер.

3-слайд
 2-теорема(үшбұрыштар теңдігінің 2 белгісі). Егер бір үшбұрыштың бір қабырғасы мен оған іргелес жатқан екі бұрышы екінші үшбұрыштың сәйкес қабырғасы мен оған іргелес жатқан екі бұрышына тең болса, онда үшбұрыштар тең болады.

4-слайд
 ∆ABC=∆A’B’C’ берілсін.
 AB=A’B’, ∠A=∠A’, ∠B=∠B’ болсын.


5-слайд
2 теореманы дәлелдеу
 Егер AC=A’C’ екенін дәлелдесек, онда 1-теорема негізінде ∆ABC=∆A’B’C’-тың тең болатыны дәлелденеді.


6-слайд
 Дәлелдеу үшін кері жорып, AC≠A’C’ дейік.
 Онда АС сәулесінің бойынан АС₁=A’C’ болатын С₁ нүктесі табылады.


7-слайд
 1-теоремаға сүйенсек, ∆ABC=∆A’B’C₁ шығады.

 Бұдан ∠АВС₁=∠В₁ болатынын көреміз.
 Ал теореманың шарты бойынша ∠В=∠АВС= ∠В₁

8-слайд
 Ендеше, АВ түзуінің бір жағындағы жарты жазықтықта төбесі В нүктесінде, ал шамасы B’ бұрышына тең болатын ВА қабырғасынан бастап екі сәуле(BC, BC₁) жүргізілген болып тұр.


9-слайд

 Алдыңғы жағдай төртінші аксиомаға қарсы.
 Сондықтан ∆ABC=∆A’B’C’. Теорема дәлелденді

ІІ.АЛҒАШҚЫ БЕКІТУ

Мына кестені толтыра отырып сабақтың мазмұны бойынша қорытынды шығар.
Үшбұрыштың теңдік белгілері

Қорытынды:___________________________________________________________

ІІІ.ҚҰЗЫРЛЫЛЫҚ ҚАЛЫПТАСТЫРУ
Деңгейлік тапсырмалар:
І деңгей тапсырмалары
1. ABCD тіктөртбұрышының АС диагоналі оны АВС және АСD екі бұрышқа бөледі. Осы үшбұрыштың теңдігін үшбұрыштар теңдігінің 1 және 2 белгілеріне сүйене отырып дәлелде.
______________________________________________________________________
______________________________________________________________________

2. AB және CD түзулері О нүктесінде қиылысады. ОА=ОВ, OC=OD. AC‖BD болатынын дәлелдеңдер.
______________________________________________________________________
______________________________________________________________________
3. AB және CD түзулері О нүктесінде қиылысады. ОА=ОВ, OC=OD. ∆ACD=∆BDC болатынын дәлелдеңдер.
______________________________________________________________________
______________________________________________________________________
4. АВС үшбұрышының AD медианасының созындысына DE=AD салынды. ∆ABD=∆ECD болатынын дәлелдеңдер.
______________________________________________________________________
______________________________________________________________________
ІІ деңгей тапсырмалары
∆EFL=∆PQM екені белгілі. PQ=4,5cm, QM=7cm, MP=8,5cm болса, EFL үшбұрышының периметрі қандай болады.
______________________________________________________________________
______________________________________________________________________
Үшбұрыштар теңдігінің екінші белгісіне кері теореманы тұжырымдап, дәлелдеңдер
______________________________________________________________________
______________________________________________________________________
ІІІ деңгей тапсырмалары
Тең үшбұрыштардың сәйкес қабырғаларына жүргізілген медианаларының тең болатынын дәлелдеңдер.
______________________________________________________________________
______________________________________________________________________

ІV.ШЫҒАРМАШЫЛЫҚ ӘРЕКЕТ
Топтық жұмыс.
Сыныптағы оқушылар екі топқа бөлініп келесі тапсырманы орындайды.
І топ
Егер екі үшбұрыштың бір қабырғасы қысқа болып, ал өзге екі қабырғасы бір-біріне толықтауыш сәулелер болса, онда бұл бұрыштар сыбайлас бұрыштар деп аталады.
ІІ топ
Егер екі үшбұрыштың бір қабырғасы ортақ болып, ал өзге екі қабырғасы бір-біріне толықтауыш сәулелер болса, онда бұл бұрыштар сыбайлас бұрыштар деп аталады.
Компьютермен жұмыс.
1.Үшбұрыштың 1-ші, 2-ші, 3-ші белгілерін сызып көрсету, белгілеу, айырмашылығын ажыртау.
______________________________________________________________________

V.БАҒАМДАУ-БАҒАЛАУ

Пән мұғалімі: Берікбай Майнұр tarbie.at.ua сайтынан Үшбұрыштар теңдігі. Үшбұрштар теңдігінің белгілері Мектеп әкімшілігі материалды тегін жүктеп сабақ барысында қолдануға рұқсат етіледі. Жарияланған материалға tarbie.at.ua сайтының әкімшілігі жауапты емес

Авторы: Берікбай Майнұр

Алматы қаласы Алатау ауданы №26 жалпы білім беретін орта мектеп математика пәні мұғалімі

Пікірлер: 0

avatar